بهاد الطريقة لي فيها الخشونة رد الإعلامي رضوان الرمضاني على قرار اغلاق مركب محمد الخامس فوجه الأندية ديال كازا، والصراحة فاش كتسمع هاد الملعب كل مرة كيتسد باش يتصلح وبميزانية لي تقدر تحارب بها مدينة من الفقر فحتى هاد الخشونة قليلة فحقهم.
المهم نخليكم تقراو اش قال
رضوان الرمضاني : "التيران ديال كازا كل مرة كنسمع راهم سدُّوه باش يصلحوه، والميزانية كل مرة كتكون بالملايير، وفي نهاية المطاف مدينة بحال كازا ما قادراش تحتضن مناسبة بحال الموندياليتو، وقالّك سيتم تأهيله باش يحتضن الكان!!!!!!
هادي راها فضيحة كبيرة… وهذا هو سوء التدبير (ما بغيتش نقول الفساد)!!!
كيفاش تخسر الملايير من الفلوس ديال الشعب (سنويا تقريبا) على تيران ما صالحش يحتضن تظاهرة دولية ولا قارية؟
شكون يحاسب المسؤولين على كارثة تدبيرية بحال هادي؟
والفضيحة الأكبر هي كيفاش مدينة من حجم كازا، فيها جوج أقوى فرق وطنية، وأكبر قاعدة جماهيرية، وفيها ملاحم كروية، ما فيهاش تيران صالح؟؟؟
واش عادي هاد التسيير ديال النّم؟؟؟"
تعليقات: (0) إضافة تعليق